Davvisámegiela finihttavearbahámit

Johanna Ijäs

Sojahanvuogádaga oččodeapmi vuollel 3-jahkásaš máná gielas

Man agis giellaoččodeaddji mánná atnigoahtá vearbbaid? Makkárat leat máná áramus vearbahámit? Manne mánná sáhttá muhtumin sojahit vearbbaid ovdamearkka dihte ná: mun boahtá; mii mannit; eadni suovii ja dat jápmii? Man agis mánná sojahišgoahtá vearbbaid seamma ládje go rávesolbmot?

Dán doavttirnákkosgirjjis guorahallojuvvo viiddes dutkanmateriála vuođul, mot vuollel golmmajahkásaš mánná oččoda sámegiela vearbbaid sojahanhámiid. Girji heive universitehtaid ja allaskuvllaid sámegiela giellaoččodeami oahppogirjin. Dat heive maid buohkaide, geat barget vuollel skuvlaahkásaš mánáid giellaovddidemiin.

Girji lea vuosttaš doavttirdási dutkamuš sámegielat máná giellaoččodeamis.